Pa Ken
Abo tin mas ku un aña sin trabou, bo a buska di tur manera pero no a logra? Kisas bo no tin e papelnan nesesario pa bo yega na un trabou? Bo a pensa kisas di bai studia bèk pero bo no sa unda kuminsá? Bo a kai den un slùm i no tin e motivashon pa bolbe purba?
Awor FORMA den estrecho koperashon ku Saso i Deza por yuda bo alkansá bo metanan. Entrante 1 di mart 2007 FORMA ta start ku un kurso básiko di kapasitashon pa personanan desempleá pa largu tempu di entre 24 i 45 aña di edat.
Kurso
Djùmp-start ta un kurso ku ta yuda bo start di nobo. E kurso aki ta siña bo e téknikanan básiko nesesario ora bo ta buskando trabou. E kurso lo tin un durashon di 6 luna i partisipantenan lo haña un sertifikado ku kual nan por halsa nan balor riba merkado laboral. E kurso aki ta konsistí di diferente modulonan manera, matemátika, traha presupuesto, komunikashon, kapasidat sosial, aktitut laboral, ritmo laboral, training di solisitut, edukashon, formashon sexual, komementu salú, norma i balornan, i konosementu básiko di kòmpüter. Kada partisipante ta haña guia personal pa garantisá éksito.
Inskribí bo mes na FORMA i risibí e “djùmp-start” pa bo tambe por drenta e sirkuito laboral sin niun problema!
