SVP na FORMA kiko esaki ta?
Formashon Sosial Obligatorio òf “Sociale Vormingsplicht” (SVP) ta un proyekto finansiá dor di Hulanda (USONA) na Antia Hulandes pa amplia e oportunidat di trabou pa hóbennan ku no tin e edat mas di edukashon obligatorio i ku no tin sufisiente edukashon pa yega na remarke riba tereno laboral. Esaki e proyekto ta hasi dor di duna kada hóben en trayekto personal kaminda nan por forma i desaroyá den e direkshon deseá. Na tur isla di Antia e proyekto aki ta eksistí.
Pa ken SVP ta?
Formashon Sosial Obligatorio ta pa hóbennan entre 16 i 24 aña ku no a kaba un edukashon básiko òf sekundario ku diploma. E hóbennan aki no tin hopi perspektiva riba trabou òf un estudio avansá. Ta p’esei ta importante duna e hóbennan aki un di dos (2) chèns pa formashon. Asina aki nos ke logra ku e grupo aki tambe lo por haña un (mihó) trabou òf sigui studia.
Kiko mester pa drenta SVP?
Pa yega na remarke pa partisipá den un trayekto un hóben mester tin e edat mínimo di 16 aña i e edat máksimo di 24 aña i no tin un diploma di skol sekundario sin un diploma. Partisipashon na e proyekto aki ta obligatorio pa hóbennan ku ta kai den e kategoria aki. Hobennan mas yòn ku 16 aña ta kai den edukashon obligatorio i mester bai sigui edukashon na un instituto di edukashon regular. Banda di esaki e hóben mester ta un residensia na Antias, i mester ta inskribí na e isla kaminda e ta bai partisipá den un trayekto.
Dispensashon
Un hóben por haña dispensashon temporal òf permanente di e proyekto. Ta risibí dispensashon permanente den e siguiente kasonan:
-
E la kaba un estudio (BVO, VSBO, MAVO, HAVO)
-
E hóben tin un hèndikèp mental òf físiko ta limit’é pa sigui enseñansa.
Ta risibí dispensashon temporal den e siguiente kasonan:
-
Servisio militar
-
E hóben ta siguiendo un edukashon
-
Si a base di situashon físiko òf mental temporal e hóben no por partisipá na e programa.
-
Si e hóben no por partisipá dor di situashonnan personal temporal.
Den e kasonan aki e hóben ta haña un dispensashon pa un aña. Despues di e aña aki ta evaluá si e hóben ta haña un dispensashon permanente òf mester sigui un trayekto.
Den e SVP un hóben por sigui diferente trayekto. Tur hóben ku drenta lo sigui e promé tres lunanan un trayekto básiko kaminda e ta wòrdu prepará pa despues drenta un trayekto spesífiko. Den a trayekto básiko e énfasis ta riba
Despues di kompletá e trayekto básiko e hóben ta sigui den e trayekto di fishi. Aktualmente tin e trayektonan di:
Den futuro tin posibilidat di sigui diferente otro trayektonan na Forma.
Ora ku un hóben kaba ku un trayekto kompletu e lo risibí guia pa asina logra haña un trabou. E guia aki lo sigui pa un aña despues ku a kaba un trayekto.
Den tur trayekto ta trata pa duna kada hóben lokual kue hóben tin nesesidat di dje. Hóbennan por bai tambe den un trayekto di “Traha i Siña”. Den esaki nan ta bai trabou pa 4 dia i bai skol pa 1 dia. Den e dia aki ta traha riba e diferente abilidatnan ku e hóben aki falta promé ku e por subi merkado laboral.
E trayekto nan lo wòrdu duna en koperashon ku e departamento di SBO i lo ta riba nivel 1.
Segun e lei di “Sociale Vormingsplicht” un hóben ta obligá pa sigui un trayekto si e ta den e edat stipulá i no tin un diploma di edukashon sekundario. Tur hóben ku ta inskribí na Bonaire pero ku no ta sigui enseñansa lo risibí un yamada òf karta pa presentá pa un kombersashon/inskripshon. Hóbennan ku no mèldu nan mes lo risibí un bishita di un trahadó sosial. Si e hóben no kontesta riba e yamadanan tin diferente medidanan ku lo wòrdu tuma.
Despues di e promé kombersashon e hóben lo haña invitashon pa un kombersashon ku e guia di trayekto. E guia di trayekto ta yena huntu ku e hóben un enkuesta di edukashon, kaminda ta yena e historia di edukashon i e deseonan di edukashon pa futuro. Despues di esaki lo hasi un tarea di kapasitashon (instaptoets). Den e tarea aki ta midi e nivel di funshonamentu di kada hóben riba nivel di lesa, skirbi i matemátika. Dependiendo di e nivel di kada persona ta diseñá un trayekto di kapasitashon i guia pa e partisipante pa asina garantisá éksito.
Hobennan ku tin interes pa sigui un trayekto via Forma tambe por inskribí nan mes. Despues di inskripshon e hóben ta haña un invitashon pa kombersashon ku e trahadó sosial i guia di trayekto.
Despues di kaba e un trayekto via Formashon Sosial Obligatorio, kursistanan por sigui ku edukashon regular SBO riba nivel 2 na SGB òf subi merkado laboral. Ta importante pa e hóben haña un trabou duradero kaminda ku e ta seguridat di trabou pa un temporada largu òf permanente. Den esaki e lo sigui haña guia na trabou serka e guia di trayektonan.
