Fundashon FORMA huntu ku kenniscentrum Calibris di Hulanda a kuminsa ku un training pa siña guia studiantenan durante di nan periodo di stazje. E training aki ta wòrdu duná dor di un trainer profeshonal di e kenniscentrum Calibris.
E training aki ta basá riba un método pa siña, guia i evaluá studiantenan den nan periodo di stazje teniendo kuenta ku e kompetensianan ku e studiantenan mester desaroyá.
For di promé di mart te ku fin di aprel 39 kordinadó i 23 guiadó di diferente kompanianan lokal lo wòrdu di train den e método pa guia studiantenan pa hasi nan práktika di fishi. E 39 kordinadónan lo risibí un training adishonal di “train de trainer” den kual nan lo wòrdu kapasitá pa duna e training aki na otronan den futuro.
Na final di e trayekto e training aki lo wòrdu tradusí den papiamentu pa asina e kordinadónan por bolbe pasa e informashon aki na papiamentu na otro “leermeesternan" riba nan mes nivel. Entretantu ya tres grupo a finalisá e training ku éksito i a wòrdu sertifiká den e método aki.
Pa mas informashon por tuma kontakto ku Sra. Paula Muns na Fundashon FORMA, tel. 717-6413.

Athunto potret di e di 3 grupo ku a finalisá e training.

Den luna di aprel 2010 7 studiante di SBO Konstrukshon a drenta periodo 3 di nan estudio. Esaki alabes ta e delaster periodo den kual nan tin ku finalisa nan periodo di stazje i tambe traha riba nan materianan teoretiko i praktiko.



Den luna di yuni e studiantenan lo hasi nan eksamennan i lo risibi nan diploma di SBO nivel 1. Di e 7 studiantenan mayoria lo sigui studia na SBO nivel 2 siguiendo e estudio di Tekniko pa Mantenshon Avansa na SGB.



Riba e portret studiantenan ku ta drentando fase final: Oswaldo Diaz, Jonathan Engelhardt, Adalberto Villaroel, Edward Winklaar, Wendrickson Martis, Nozai Thomas i Herby Obispo.

Studiantenan di FORMA a kuminsá ku un periodo di stazje na Mangazina di Rei. Esaki ta e fase final di nan trayekto na FORMA despues di kual nan lo risibí un diploma di SBO riba nivel 1.  

E aña eskolar aki FORMA a kuminsá ku un estudio nobo yamá “FORMA AVANSÁ”. E estudio aki ta prepará e studiantenan riba tereno di aktitut laboral i desaroyo personal pa nan por ehersé un funshon riba nivel di SBO 1. Durante e estudio e studiantenan ta orientá riba e kuater sektor, ekonomia i benta, téknika, bienestar i horeka.

E loke ta hasi e estudio unu diferente for di enseñansa i estudionan kustumbrá  ta ku FORMA a kambia e sistema di duna lès kompletamente. FORMA a implementá e programa di AKA (Arbeids gekwalificeerd Assistent). Esaki ta un estudio di enseñansa sekundario ku nan a desaroyá na Hulanda i ku Regionaal Onderwijs Centrum (ROC) ta duna na diferente parti di Hulanda. E estudio ta siña e hóben tur loke e mester sa pa por mantené su mes den komunidat i mantené su mes na trabou.

Aki algun potrèt di e hóbennan durante nan stazje na Mangazina di Rei.

Fin di komunikado