FORMA ta un instituto ku ta para responsabel pa duna edukashon riba un nivel haltu. Nos ta duna kada partisipante e oportunidat pa desaroyá na su nivel i den su aria di interes. Nos ta krea oportunidat pa e partisipante por desaroyá.

Nos ta kumpli ku e meta dor di duna kada kursista un perspektiva personal. Despues ku nan a kaba ku kurso òf trayekto di traha i siña nan tin:

• Sufisiente abilidatnan sosial i komunikativo
• Un aktitut positivo tokante trabou
• Nan por resolvé problemanan òf sa na unda nan por bai si tin problema
• Nan ta dominá un fishi.

 

Nos ta logra e meta dor di:

• Krea e kondishonnan pa un hende tin posibilidat pa partisipá den edukashon: ònderstant, krèsh, transporte. Ofresé aktividatnan di formashon segun e nesesidatnan individual di e kursistanan
• Ofresé enseñansa pa empleo I trayektonan di traha i siña ku ta prepará e partisipante optimal riba merkado laboral di Boneiru
• Ofresé guianan den trayekto i guia sosial emoshonal
• Traha huntu ku organisashonnan sosial i negoshinan, pa krea oportunidat pa partisipante por sigui desaroyá. Ofresé kursonan, tayernan i programanan di edukashon basá riba nesesidatnan di merkado laboral i den koperashon ku negoshinan na Boneiru.

Forma ta ofresé edukashon pa adultonan ku no por a kaba ku edukashon dor di diferente motibunan òf sirkunstansianan den nan bida.

Forma ta dirigí su servisio riba 4 diferente grupon den nos komunidat:

• hende ku no por lesa i skibi òf tin difikultatnan ku lesa i skibi
• Adultonan hóben: hóben den edat di 16 – 24 aña ku no tin diploma òf kualifikashon pa subi merkado laboral Adulto desempleá; adultonan den edat di 25 - 45 aña ku no ta partisipá aktivamente riba merkado laboral di Boneiru i ta dependé di ònderstant
• Poblashon aktivo: adultonan ku trabou ku tin nesesidat pa rekapasitashon i sigui desaroyá kompetensianan

 

Forma ta konsistí di 4 departamentu:

 

 

 

Logronan