Ady Figaroa ta regalá obra di arte na FORMA

Komo muestra di apresio i pa enkurashá studiantenan, dosentenan i sobra trahadó di FORMA pa e bunita trabou ku nan ta realisando, e konosido artista Boneriano Sr. Ady Figaroa a hasi entrega di un bunita obra di arte na gerensia di FORMA.

Den luna di mart 2014 FORMA a partisipá ku su personal i studiantenan na e dia di voluntarionan BONDOET. FORMA riba e dia ei a skohe un tema bou di kua nan lo partisipá na e aktividat aki kual a resultá di ta “arte”. E simannan promé ku e aktividat e studiantenan a haña un workshop di arte serka señor Ady Figaroa. Ku e konosementu aki e studiantenan a haña e tarea pa hasi e trabou di limpiesa i despues for di artíkulonan ku nan haña riba kosta pa traha un obra di arte ku ta keda riba kosta pa asina turistanan i personanan lokal por gosa di dje.

Awor FORMA tin un bunita obra di Ady Figaroa den nan edifisio komo rekuerdo di e proyekto aki.