Ami por, bo tambe por!

Despues di a buska e kandidato nan apropiá, na novèmber 2013 Forma a kuminsá ku e preparashon nan pa e dokumental di alfabetisashon. Un kuart di poblashon adulto Boneriano no por lesa ni skibi sufisiente. Esaki ta e istoria di Luis i Johan. Nan a duna oportunidat pa Fundashon Forma filma nan dos aña largu, pa asina mustra e logro i e kambio den nan bida. E intenshon di e dokumental ta pa mustra ku tur hende por siña lesa i skibi, i ku nunka bo ta muchu bieu pa kuminsá. E dokumental ta mustra tambe kiko e problemanan ta ku e personahe nan ta enfrentá den nan komunidat, y kon e kurso a yuda ku esaki.