FORMA ta ranka sali ku kampaña “FORMA on the road” ku posibilidat pa gana un pasashi pa Kòrsou!

Kralendijk – Den luna di yüni FORMA ta ranka sali ku un kampaña di informashon den diferente bario di Boneiru. Durante e enkuentronan akí FORMA ta bai duna informashon di e diferente trayekto i estudionan ku bo por sigui na FORMA. Esaki lo tuma lugá na e diferente sentronan di bario. Bishitantenan di e aktividat por entregá nan invitashon yená ku nan nòmber pa nan partisipá na un rifa pa un pasashi pa Kòrsou.

 Riba dianan 3, 10 i 17 di yüni FORMA lo ta bishitá konsekutivamente e bario di Rincon, Nort Saliña i Tera Kòrá di 6or pa 8or di anochi. E sitio lo ta na e sentro di bario di e bario konserní. FORMA lo ta einan pa duna tur informashon i tambe por inskribí mesora pa kuminsá den aña eskolar nobo. Riba e dianan akí lo bai tin músika i kos di kome i bebe. Tambe ta bai transmití e evento akí via “livestreaming” di facebook pa asina tur hende por haña un impreshon di e aktividat.

 E skema di bario:

·         Rincon: 3 di yüni 2016 (6-8 p.m.)

·         Nort Saliña: 10 di yüni 2016 (6-8 p.m.)

·         Tera Kòrá: 17 di yüni 2016 (6-9 p.m.)

FORMA ta ekstendé un kordial invitashon na hinter e pueblo di Boneiru pa asistí masalmente na e aktividatnan akí. Un boka bisa otro.