Fundashon FORMA ta entregá 94 sertifikado na kursistanan di diferente kurso

Djaweps anochi e departamentu di Kursonan di FORMA a hasi entrega di 94 sertifikado pa kursistanan ku a finalisá diferente kurso na e fundashon. Esaki a tuma lugá den un ambiente festivo den kual a sera e aña 2013.

E asistensia na e akto ofisial di entrega di sertifikado tabata konsiderabel. E kursistanan a akudí pa por risibí nan sertifikado kua ta nan prueba ku nan a terminá nan kurso ku éksito. Kursonan pa kua a entrega sertifikado djaweps anochi ta:

  • Papiamentu Básiko
  • Papiamentu Básiko (kurso pa empresa)
  • Papiamentu Kombersashon
  • Papiamentu Kombersashon i abilidat di skirbi (kurso pa empresa)
  • Kòmpiuter Básiko
  • Hulandes komo di dos idiomaIngles básikoIngles pre-intermedio
  • Presupuesto Familiar
  • Introdukshon di Las
  • Elèktrishèn módulo 1
  • Basiskennis Boekhouding
  • Abilidat di Komunikashon (kurso pa empresa)

E kursonan di Papiamentu Básiko en Abilidat di komunikashon a kuminsá mas lat i lo finalisá den febrüari 2014. Den luna di yanüari 2014 FORMA ta start ku e kursonan di Papiamentu Kombersashon i Abilidat di Skirbi Hulandes, mas 2 grupo di Hulandes riba nivelnan 1F i 2F.

Banda di duna kursonan pa e pueblo en general, FORMA e aña aki a ofrese puestonan gratis den e diferente pa kursistanan no pudiente. E kursonan aki ta wòrdu finansiá den koperashon ku instansianan manera Rotary Club Bonaire i Maduro & Curiels’s Bank N.V. Huntu ku e kompanianan aki FORMA ta krea kuponan speshal pa e pueblo ku no por karga ku gastu di un kurso. Esaki ta un esfuerso mas di FORMA pa inverti den e grupo di enfoke di e fundashon.