Fundraising di Fundashon Forma na wega di Reino 2014!

Djabièrnè dia 25 di aprel 2014 e organisashon “Nos Pais” na Kòrsou a organisá e weganan di Reino na tur e islanan anterior di Antia Hulandes. Na Bonaire Forma i Bonaire Youth Outreach huntu ku e studiantenan di mbo “sport en bewegen” a organisá un dia di deporte pa e muchanan di skol básiko den stadion na Playa.

Tabata di dos biaha ku Forma a duna un aporte na e weganan di Reino. Forma a parti pan i kos di bebe grátis pa tur e muchanan ku a hasi deporte. Esaki a wòrdu di spònser dor di e organisashon di weganan di Reino. E suma ku Forma a haña pa esaki ta kontribuí pa algun studiantenan di Bonaire por haña un oportunidat pa por kore stazje na un skol di fishi na Italia.

Tabatin diferente weganan ku a wòrdu organisá manera: kana den saku, kore, ranka kabuya etc. Banda di esei nos a baila i kanta dushi riba e famoso kantika “kabes, skouder, rudia i pia bou di guia di Lianne i Anke di nos tim di deporte. Tabata un dia hopi plasentero.