Tres Kursista di Alfabetisashon ta haña reibeweis!

Tres kursista a pasa nan eksamen di teoria reibeweis ku éksito !!! E kurso di theoria di reibeweis ta parti integral di e departamentu di Alfabetisashon. Partispantenan na e trayekto di alfabetisashon por partisipá na esaki komo un insentiva dependiendo di nan progreso. FORMA ta tuma tambe e parti atministrativo riba dje manera por ehèmpel regla inskripshon.

Ku hopi pasenshi i dedikashon e dosente enkargá a guia e kursistanan, pa nan por optené bon resultado pa tur nan esfuersonan.

Nos departamentu di Alfabetisashon ta felisitá e kursistanan konserní pa nan gran logro i ta konfia ku nan tambe lo sirbi komo ehèmpel pa otronan.