Tokante Nos
Kiko ta FORMA?
FORMA ta un sentro di formashon pa edukashon i enseñansa di adulto ku e meta pa duna adulto un oportunidat pa edukashon, formashon i/o enseñansa, pa asina nan por tuma un lugar balioso den e merkado laboral.
E Misión:
“Duna adulto i hóben, i asina tambe e generashon futuro, un oportunidat pa desaroyá nan mes pa nan por funshoná na e máksimo den merkado laboral i den sosiedat, semper teniendo na kuenta i antisipando riba e eksigensianan ku e sosiedat ta pone. Ademas, informá i duna konseho na organisashonnan, instansianan i gobernashon tokante e situashon di e grupo di enfoke.”
Alfabetisashon
E departamento di Alfabetisashon ta responsabel pa prevení i redusí analfabetismo i nivel abou di alfabetisashon riba isla Boneiru. Alabes, e departamento ta duna informashon i konseho na kompanianan i organisashonnan tokante komunikashon ku hendenan analfabeto òf ku nivel abou di alfabetisashon.
SKJ
FORMA ta ofresé, konforme e lei, hubentut entre 18 – 24 aña e oportunidat pa partisipá den trayekto di formashon, edukashon i instrukshon (máksimo 24 luna). Idioma di instrukshon den FORMA ta Papiamentu.
MBO
Pa motibu di e introdushon di Focus op Vakmanschap tradusí enfoke riba abilidat profeshonal di trabounan di vokashon, pa minister di Enseñansa, Kultura i Siensia, nos ta ofresé na Forma Entree-opleidingen/estudionan di Entree. Esakinan ta pa partisipante sin diploma di skol anterior.
Kursonan
E departamento di Kursonan ta un departamento den FORMA ku ta duna adulto i adulto hóben e oportunidat pa reorientashon i mehorashon di skol. E grupo di destinatario ta diversifiká, ku e mas grandi ta adulto ku ta traha.
JICN
Na e Institushon Hustisial Karibe Hulandes, FORMA ta oferé varios programa. Nan ta: Edukashon na nivel MBO 1 i 2, Kurso kòrtiku, Alfabetisashon, Programa adaptá den e departamento di hubentut.